Argala Stotram

Devi Mahatmyam – Argala Stotram

---

asya śrī argaḻā stōtra mantrasya
viṣṇuḥ ṛṣiḥ । anuṣṭup chandaḥ । śrī mahālakṣmīr dēvatā ।
mantrōditā dēvyō bījaṃ । navārṇō mantra śaktiḥ ।
śrī saptaśatī mantras tatvaṃ śrī jagadambā prītyarthē
saptaśatī paṭhāṃ gatvēna japē viniyōgaḥ ॥

---

Dhyānam

ōṃ bandhūka kusumābhāsāṃ pañcha muṇḍādhivāsinīṃ ।
sphuracchandra kalā ratna mukuṭāṃ muṇḍamālinīṃ ॥

trinētrāṃ rakta vasanāṃ pīnōnnata ghaṭastanīṃ ।
pustakaṃ chākṣamālāṃ cha varaṃ chābhayakaṃ kramāt ॥

dadhatīṃ saṃsmarēn nityam uttarāmnāya mānitāṃ ॥

---

Athavā

yā chaṇḍī madhukaiṭabhādi daitya daḻanī
yā māhiṣōnmūlinī ।

yā dhūmrēkṣaṇa chaṇḍamuṇḍa mathanī
yā rakta bījāśanī ।

śaktiḥ śumbha niśumbha daitya daḻanī
yā siddhi dātrī parā ।

sā dēvī nava kōṭi mūrti sahitā
māṃ pātu viśvēśvarī ॥

---

ōṃ namaś chaṇḍikāyai
mārkaṇḍēya uvācha ॥

---

ōṃ jayatvaṃ dēvi chāmuṇḍē jaya bhūtāpahāriṇi ।
jaya sarvagatē dēvi kāḻa rātri namō'stutē ॥1॥

madhukaiṭabha vidrāvi vidhātru varadē namaḥ ।
ōṃ jayantī maṅgaḻā kāḻī bhadrakāḻī kapālinī ॥2॥

durgā śivā kṣamā dhātrī svāhā svadhā namō'stutē ।
rūpaṃ dēhi jayaṃ dēhi yaśō dēhi dviṣō jahi ॥3॥

mahiṣāsura nirnāśi bhaktānāṃ sukhadē namaḥ ।
rūpaṃ dēhi jayaṃ dēhi yaśō dēhi dviṣō jahi ॥4॥

dhūmranētra vadhē dēvi dharma kāmārtha dāyini ।
rūpaṃ dēhi jayaṃ dēhi yaśō dēhi dviṣō jahi ॥5॥

rakta bīja vadhē dēvi chaṇḍa muṇḍa vināśini ।
rūpaṃ dēhi jayaṃ dēhi yaśō dēhi dviṣō jahi ॥6॥

niśumbha śumbha nirnāśi trailōkya śubhadē namaḥ ।
rūpaṃ dēhi jayaṃ dēhi yaśō dēhi dviṣō jahi ॥7॥

vanditāṅghriyugē dēvi sarva saubhāgya dāyini ।
rūpaṃ dēhi jayaṃ dēhi yaśō dēhi dviṣō jahi ॥8॥

achintya rūpa charitē sarva śatru vināśini ।
rūpaṃ dēhi jayaṃ dēhi yaśō dēhi dviṣō jahi ॥9॥

natēbhyaḥ sarvadā bhaktyā chāparṇē duritāpahē ।
rūpaṃ dēhi jayaṃ dēhi yaśō dēhi dviṣō jahi ॥10॥

stuvadbhyō bhakti pūrvaṃ tvāṃ chaṇḍikē vyādhi nāśini ।
rūpaṃ dēhi jayaṃ dēhi yaśō dēhi dviṣō jahi ॥11॥

chaṇḍikē satataṃ yuddhē jayantī pāpa nāśini ।
rūpaṃ dēhi jayaṃ dēhi yaśō dēhi dviṣō jahi ॥12॥

dēhi saubhāgyam ārōgyaṃ dēhi dēvī paraṃ sukhaṃ ।
rūpaṃ dēhi jayaṃ dēhi yaśō dēhi dviṣō jahi ॥13॥

vidhēhi dēvi kalyāṇaṃ vidhēhi vipulāṃ śriyaṃ ।
rūpaṃ dēhi jayaṃ dēhi yaśō dēhi dviṣō jahi ॥14॥

vidhēhi dviṣatāṃ nāśaṃ vidhēhi balam uchchakaiḥ ।
rūpaṃ dēhi jayaṃ dēhi yaśō dēhi dviṣō jahi ॥15॥

surāsura śirō ratna nighṛṣṭa charaṇē'mbikē ।
rūpaṃ dēhi jayaṃ dēhi yaśō dēhi dviṣō jahi ॥16॥

vidhyāvantaṃ yaśasvantaṃ lakṣmīvantañcha māṃ kuru ।
rūpaṃ dēhi jayaṃ dēhi yaśō dēhi dviṣō jahi ॥17॥

dēvi prachaṇḍa dōrdaṇḍa daitya darpa niṣūdini ।
rūpaṃ dēhi jayaṃ dēhi yaśō dēhi dviṣō jahi ॥18॥

prachaṇḍa daitya darpa ghnē chaṇḍikē praṇatāyamē ।
rūpaṃ dēhi jayaṃ dēhi yaśō dēhi dviṣō jahi ॥19॥

chaturbhujē chaturvaktra saṃstutē paramēśvari ।
rūpaṃ dēhi jayaṃ dēhi yaśō dēhi dviṣō jahi ॥20॥

kṛṣṇēna saṃstutē dēvi śaśvad bhaktyā sadāmbikē ।
rūpaṃ dēhi jayaṃ dēhi yaśō dēhi dviṣō jahi ॥21॥

himāchala sutānātha saṃstutē paramēśvari ।
rūpaṃ dēhi jayaṃ dēhi yaśō dēhi dviṣō jahi ॥22॥

indrāṇī pati sadbhāva pūjitē paramēśvari ।
rūpaṃ dēhi jayaṃ dēhi yaśō dēhi dviṣō jahi ॥23॥

dēvi bhakta janōddāma dattānandōdayē'mbikē ।
rūpaṃ dēhi jayaṃ dēhi yaśō dēhi dviṣō jahi ॥24॥

bhāryāṃ manōramāṃ dēhi manōvṛttānusāriṇīṃ ।
rūpaṃ dēhi jayaṃ dēhi yaśō dēhi dviṣō jahi ॥25॥

tāriṇīṃ durga saṃsāra sāgarasya achalōdbhavē ।
rūpaṃ dēhi jayaṃ dēhi yaśō dēhi dviṣō jahi ॥26॥

idaṃ stōtraṃ paṭhitvā tu mahāstōtraṃ paṭhēn naraḥ ।
saptaśatīṃ samārādhya varam āpnōti durlabhaṃ ॥27॥

---

॥ iti śrī argalā stōtraṃ samāptam ॥

---