Shri - Suktam -- Money

 Om

Hiranyavarnam Harinim Suvarna-Rajata-Srajaam  

Chandram Hiranmayim Lakshmim Jatavedo Ma Aavaha  

Taam Ma Aavaha Jatavedo Lakshmim Anapagaminim  

Yasyaam Hiranyam Vindeyam Gaam Ashvam Purushaan Aham  

Ashva-Purvaam Ratha-Madhyaam Hasti-Naada-Prabodhineem  

Shriyam Devim Upahvaye Shrir Ma Devi Jushataam  

Kaam So-Smitam Hiranya-Prakaaraam Aardraam Jvalantim Truptaam Tarpayantim  

Padme Sthitaam Padma-Varnaam Taam Ihopahvaye Shriyam  

Chandraam Prabhaasaam Yashasaa Jvalantim  

Shriyam Loke Deva-Jushtaam Udaaram  

Taam Padminim Sharanam Aham Prapadye  

Alakshmir Me Nashyataam Tvaam Vrune  

Aditya-Varne Tapaso Adhijaato  

Vanaspatistava Vriksho'tha Bilvah  

Tasya Phalaani Tapasaa Nudantu  

Maayaantarayaashcha Baahyaa Alakshmih  

Upaitu Maam Deva-Sakhah Keertishcha Maninaa Saha  

Praadurbhooto'smi Raashtre'smin Keertim Riddhim Dadaatu Me  

Kshut-Pipaasaam Malaam Jyeshthaam Alakshmim Naashayamyaham  

Abhootim Asamriddhim Cha Sarvaam Nirnuda Me Grihaat  

Gandha-Dvaaraam Duraadharshaam Nitya-Pushtaam Kareeshineem  

Ishvareem Sarva-Bhootaanaam Taam Ihopahvaye Shriyam  

Manasah Kaamam Aakootim Vaachas Satyam Ashiimahi  

Pashunaam Roopam Annasya Mayi Shreeh Shrayataam Yashah  

Kardamena Prajaa Bhoota Mayi Sambhava Kardama  

Shriyam Vaasaya Me Kule Maataram Padma-Maalineem  

Aapah Srijantu Snigdhaani Chiklita Vasa Me Grihe  

Ni Cha Devim Maataram Shriyam Vaasaya Me Kule  

Aardraam Pushkarineem Pushtim Pingalaam Padma-Maalineem  

Chandraam Hiranmayim Lakshmim Jatavedo Ma Aavaha  

Aardraam Yah Karineem Yashtim Suvarnaam Hema-Maalineem  

Suryaam Hiranmayim Lakshmim Jatavedo Ma Aavaha  

Taam Ma Aavaha Jatavedo Lakshmim Anapagaminim  

Yasyaam Hiranyam Prabhootam Gaavo Daasyo Ashvaan Vindeyam Purushaan Aham  

Om Shanti Shanti Shantih



_________________________________________________________________________

ॐ

हिरण्यवर्णां हरिणीं सुवर्णरजतस्रजाम्।

चन्द्रां हिरण्मयीं लक्ष्मीं जातवेदो म आवह॥

तां म आवह जातवेदो लक्ष्मीमनपगामिनीम्।

यस्यां हिरण्यं विन्देयं गामश्वं पुरुषानहम्॥

अश्वपूर्वां रथमध्यां हस्तिनादप्रबोधिनीम्।

श्रियं देवीमुपह्वये श्रीर्मा देवी जुषताम्॥

कां सोस्मितां हिरण्यप्राकारामार्द्रां ज्वलन्तीं तृप्तां तर्पयन्तीम्।

पद्मे स्थितां पद्मवर्णां तामिहोपह्वये श्रियम्॥

चन्द्रां प्रभासां यशसा ज्वलन्तीं

श्रियं लोके देवजुष्टामुदाराम्।

तां पद्मिनीमीं शरणमहं प्रपद्ये

अलक्ष्मीर्मे नश्यतां त्वां वृणे॥

आदित्यवर्णे तपसोऽधिजातो

वनस्पतिस्तव वृक्षोऽथ बिल्वः।

तस्य फलानि तपसा नुदन्तु

मायान्तरायाश्च बाह्या अलक्ष्मीः॥

उपैतु मां देवसखः कीर्तिश्च मणिना सह।

प्रादुर्भूतोऽस्मि राष्ट्रेऽस्मिन् कीर्तिमृद्धिं ददातु मे॥

क्षुत्पिपासामलां ज्येष्ठामलक्ष्मीं नाशयाम्यहम्।

अभूतिमसमृद्धिं च सर्वां निर्नुद मे गृहात्॥

गन्धद्वारां दुराधर्षां नित्यपुष्टां करीषिणीम्।

ईश्वरीं सर्वभूतानां तामिहोपह्वये श्रियम्॥

मनसः काममाकूतिं वाचः सत्यमशीमहि।

पशूनां रूपमन्नस्य मयि श्रीः श्रयतां यशः॥

कर्दमेन प्रजाभूता मयि संभव कर्दम।

श्रियं वासय मे कुले मातरं पद्ममालिनीम्॥

आपः सृजन्तु स्निग्धानि चिक्लीत वस मे गृहे।

नि च देवीं मातरं श्रियं वासय मे कुले॥

आर्द्रां पुष्करिणीं पुष्टिं पिंगलां पद्ममालिनीम्।

चन्द्रां हिरण्मयीं लक्ष्मीं जातवेदो म आवह॥

आर्द्रां यः करिणीं यष्टिं सुवर्णां हेममालिनीम्।

सूर्यां हिरण्मयीं लक्ष्मीं जातवेदो म आवह॥

तां म आवह जातवेदो लक्ष्मीमनपगामिनीम्।

यस्यां हिरण्यं प्रभूतं गावो दास्यो अश्वान्विन्देयं पुरुषानहम्॥

ॐ शान्तिः शान्तिः शान्तिः॥